polaine

Polaine, f. penacut. En fait de navires, est l'equippage de la fleche telle que s'ensuit. Par dehors la prouë du navire, environ douze pieds, et parsus l'estrave, sort une piece de bois appelée fleche, soustenuë hors ladicte prouë par une courbe clouée à l'estrave et à la mesme fleche, et par dedans aboutie sur le bau {{o=ban}} qui est joignant les Equibiens. Sur le bout de ladite fleche est dressée une piece de bois de trois ou quatre pieds de haut, faite en forme de S, et aux deux costez d'icelle fleche sont deux soliveaux forts se venans joindre à la poincte de ladite fleche d'un bout, et de l'autre s'en vont en eslargissant contre le navire un peu au dessus les Equibiens. Au milieu dudit S, et de chasque costé d'iceluy est attaché un petit soliveau arrondy par le dehors, qui de l'autre bout s'attache contre le navire, et la forme que cela rend s'appelle lice, en estant fait tout autant au bout dudit S. Or ladite fleche ainsi equippée et assortie se nomme polaine, laquelle sert à serrer le beaupré.

Thresor de la langue françoyse. Jean Nicot.